Эһиилги сылтан уопсай маассаҕа таһаарыллыахтаах вакцинация пандемияны тохтотууга сүрүн оруолу ылыан сөп. Бастатан туран медицина, үөрэх үлэһиттэрэ, быраабы араҥаччылааччылар ылаллар. Ол туһунан соцситимнэргэ өрөспүүбүлүкэтээҕи клиника балыыһатын кылаабынай бырааһын солбуйааччыта Нюргуяна Владимирова эттэ диэн СИА суруйар.
«Вакцинация пандемияны тохтотууга сүрүн оруолу ылыан сөп. Билигин вакцина кэлиитин күүтэбит. Бастатан туран, медцина үлэһиттэрэ, социальнай, үөрэх эйгэтин сотрудниктара уонна быраабы араҥаччылааччылар ылыахтара. Вакцина төһө элбэх кэлэриттэн барыта тутулуктаах», — диэтэ Нюргуяна Владимирова.
Кини эппитинэн, Россияҕа икки вакцина бигэргэтиллибит. Быһыы медицинскэй көрдөрүүнэн бобуллуон сөп, ол туһунан эмтиир бырааскыттан чуолкайдаһаҕын.
This post was published on 17.11.2020 10:01 10:01