В.П. Ларионов аатынан Майа орто оскуолатын үөрэнээччитэ Алеша Павлов оҥорбут «Бул, тал, кыай» диэн остуол оонньуутун биһиги оскуолабытыгар кэлэн оонньотто, бэлэх уунна. Алеша бу оонньууну ийэтин кытта толкуйдаабыт. Бу оонньуу өрөспүүбүлүкэ улуустарын, гиэрбэлэрин туһунан билиини чиҥэтэр, сырдатар ис хоһоонноох. Маны таһынан, Майа сэлиэнньэтин бэлиэ сирдэрин, тутууларын туһунан кыра кинигэлээх.
Биһиги 8-10 кылаас үөрэнээччилэрэ кыттыыны ыллыбыт. Бастакы түһүмэххэ кыайбыт 20 оҕоҕо оонньуу ааптара, бу оонньууну бэлэх уунан үөртэ. Финалга үс оҕо күөн көрүстүлэр, олор кэккэлэригэр мин бииргэ үөрэнэр оҕом Володя баара. Бу финалга киирбит оҕолор оскуолабыт хамаандатыгар сүүмэрдэнэн, улуус күнүгэр ыытыллар оонньууга кытта барыахтара.
Сивцева Николина, Павловскай орто оскуолатын медиа киинэ, суруйда «Эркээйи» хаһыат.
