Уус-Маайа улууһун Югоренок бөһүөлэгин эһэлэр буулаабыттар. Бу туһунан СИА Ulus.media сайтыгар сигэнэн суруйар.
Югоренок баһылыга Жанна Пиманова олохтоохтор бэҕэһээ биир тыатааҕыны өлөрбүттэрин туһунан Уус-Маайа хаһыатыгар кэпсээбит. Нэһилиэккэ эһэҕэ лицензиялаах икки булчут тыа кыыллара бөһүөлэккэ киирэллэрин маныыллар. Бүгүн Жанна Павловна улуус дьаһалтатыттан көмө көрдөөбүт. Бөлүүн биир кыыл эмиэ бөһүөлэккэ киирэн тахсыбытын, булчуттар кэлиэхтэригэр диэри куоппутун кэпсээбит.
Уус-Маайатааҕы экологическай надзор инспектора Марина Дьячковская бөһүөлэги эһэлэр буулаабыттарын эмиэ бигэргэппит. Кини эһэ төрүөҕэ элбээн мэнээктээбитин эбэтэр аттынааҕы Хабаровскай кыраайга буола турар ойуур баһаардарыттан куотан кэлбит буолуохтарын сөбүн сабаҕалыыр. Марина Ивановна кэлин эһэ ахсаанын аҕыйатарга үлэ барарын кэпсээбит.
This post was published on 29.07.2020 14:01 14:01