«Уус Буотама» бизоннар питомниктарыгар муус устар 19 күнүгэр быйылгы дьылга бастакы ньирэй төрөөтө. Учаастак начаалынньыга Семен Егоров эппитинэн, саҥа күн сирин көрбүттэр «уоллаах кыыс». Питомникка 38 бизон баар, онтон 14 төрүүр-ууһуур саастаах.
Исписэлиистэр өссө да төрүөҕү кэтэһэллэр. Билигин саҥа төрөөбүт кыыллары учуоттаан туран, Саха сирин үрдүнэн 252 төбө баар, олор истэригэр 80 бизон Горнай улууһун Сиинэ пааркатыгар көҥүл көччүйээччилэргэ киирсэллэр.
Киин Саха сиригэр бизоннары олохсутуу бырагыраамата 2006 сыллаахтан үлэлиир, ситиһиилээх диэххэ сөп. Үс питомник: «Уус Буотама» Хаҥаласка, «Тыымпынай» Горнайга уонна «Тумара» Сунтаарга. Бизоннар өссө «Живые алмазы Якутии» айылҕа пааркатыгар Мииринэйгэ уонна «Орто дойду» зоопаркаҕа олохсуйаллар, суруйда https://www.instagram.com/minecologia_yakutia/
This post was published on 21.04.2021 15:01 15:01