Самаан сайыммыт күрэнэн, от-мас хагдарыйан көмүс күһүн араас элбэх бэлэхтэрдээх, өлгөм сир астаах, көмүс солотуулаах куоластаах бурдук үүнүүлээх, элбэх битэмииннээх оҕуруот астаах үөрэн-көтөн мичилийэн тиийэн кэллэ. Ол курдук балаҕан ыйын 15 күнүгэр И.С. Портнягин аатынан Сыырдаах орто оскуолатыгар көмүс күһүҥҥэ аналлаах ”Уйгулаах көмүс күһүн” тэрээһин буолан ааста.
Оскуола үөрэнээччилэрин, үлэһиттэрин, төрөппүттэрин, уопсастыбаннаһы түмэр “Атыылаа-атыылас” күһүҥҥү дьаарбаҥка ыытыллыбыта. Дьаарбаҥкаҕа үөрэнээччилэр, төрөппүттэр кылааска харчы киллэринэр сыалтан бэйэлэрэ астаммыт минньигэс бэйэлээх астарын, кэнсиэрбэлэрин атыылаабыттара. Кыттааччы кылаас (төрөппүт) турар сирдэрин күһүҥҥүлүү сиэдэрэйдик киэргэппиттэрэ көрүөххэ сүрдээх кыраһыабай көстүүлэммитэ.
Нюргуяна Хорунова, Мүрү Саһарҕата
This post was published on 18.09.2023 18:03 18:03