Улуус дьаһалтатын иһинэн үлэлиир суол-иис фондата Саха Республикатын Суол министиэристибэтин иһинэн ыытыллыбыт куонкуруһу ааһан 2024 — 2025 сылларга Өнөр нэһилиэгэр, Тулуна-Эһэлээх хайысханан суол хапытаалынай өрөмүөнүн ll этээбэ ыытылла турар. Суол дамбата буорунан үрдэтиллэр, суолга щебенка, кумах кутуллар, уу турар сирдэринэн ууну аһардар турбалар угуллаллар. Суолу улууспут урбаанньыта Иннокентий Москвитин бэдэрээччиктээн оҥорор, диэн Мүрү Саһарҕата телеграм-ханаал суруйар.
Бу үлэ туһунан суол-иис фондатын салайааччыта Руслан Герасимов салгыы маннык кэпсээтэ:
— Тулуна-Эһэлээх хайысханан барыта 39 900 316, 21 солк. суумалаах өрөмүөн оҥоһуллар. Үбүлээһин өттүн 58%-нын Республика бүдьүөтэ, 42%-нын улуус бүдьүөтэ толуйда.
Былырыын 3,34 км оҥоһуллубута, быйыл иккис түһүмэҕэр 6,3 км усталаах суол оҥоһулла турар. Бу программа улууспутугар үчүгэйдик үлэлиир, Бороҕон иһинээҕи Ленин аатынан уулуссаҕа асфальт тэлгэннэ. Уонна 2025-2027 сылларга Бороҕон-Суотту трассатыттан Тумулга диэри киири суол оҥоһуллуоҕа.
Мария Аргунова
This post was published on 04.07.2025 12:40 12:40