Бээди олохтоохторо өр сылларга баҕа санаа оҥостубут ыралара туолан, аныгылыы ФАП дьиэтэ ааспыт сылтан тутуллан үлэҕэ киирэр үөрүүлээх чааһыгар күһүҥҥү самыырдаах, тымныы күн үҥкүүнэн эҥэрдэнэн тоҕуоруһа муһуннулар.
Балыыһаны федеральнай бырагырааманан национальнай бырайыакка олоҕуран «Сахауниверсал» тэрилтэ тутта.
Үөрүүлээх күҥҥэ эҕэрдэ тылы СӨ доруобуйатын харыстабылын миниистирин солбуйааччы Любовь Степанова, улуус дьаһалтатын баһылыгын солбуйааччы Иннокентий Троев, улуустааҕы кииннэммит балыыһа кылаабынай барааһа Анна Петрова эттилэр. Дүпсүн нэһилиэгин баһылыга Николай Сивцев үлэлээн ааспыт уонна билигин үлэлии олорор улуус салалтатыгар итиэннэ үгүстүк туруорсан, докумуонун эккирэтиһэн сыраласпыт Анна Саввичнаҕа улахан махталын тиэртэ.
Мария Аргунова, Мүрү Саһарҕата
This post was published on 27.08.2024 14:16 14:16