Мындааба нэһилиэгэр «Демография» национальнай бырайыак, «Спорт-олох нуормата» региональнай бырайыак чэрчилэринэн 32 миэстэлээх уопсайдаах саҥа спортивнай хапсыһыылар универсальнай комплексын тутуута барар турар. Бу тутуу Саха АССР 100 сылыгар аналлаах объектар испииһэктэригэр киллэриллибитэ, диэн СИА-ҕа регион тутууга министиэристибэтин пресс-сулууспата иһитиннэрэр.
«Билигин объект тутуута 62,5% тэҥнэһэр. Тутааччылар фасады, муостаны уонна истиэнэни таҥастааһыны, күүлэ монтажтарын уонна салгылатар тэриллэри оҥорууга үлэни ыыталлар. Кабеллары ууруу эмиэ бара турар. Объекка барыта 38 киһи үлэлиир. Графиктан хаалыы баар, бу суббэдэрээтчиттэр үлэлэригэр хойутаан киирэннэр кэһиллии тахсыбыт. Ол да буоллар, бэдэрээтчит туруоруллубут болдьоххо комплекс тутуутун бүтэрэри былаанныыр», — диэн «СӨ судаарыстыбыннай сакаасчытын сулууспата» ГК генеральнай дириэктэрин бастакы солбуйааччы Гаврил Скрыбыкин иһитиннэрдэ.
