Уус Алдан оройуонугар грипп ыарыытыттан иммунопрофилактиканы 11 тыһыынчаттан тахса киһи барда, ол эбэтэр улахан дьоҥҥо 86,2% уонна оҕолорго 42%. Уус Алдан оройуона нэһилиэнньэни грипптан уонна ОРВИ-тан вакцинациялааһыҥҥа инники күөҥҥэ сылдьар.
«Ыарыыттан көмүскэнэр биир саамай көдьүүстээх ньыманан — прививканы оҥоруу буолар, — диир Анна Петрова, Уус Алдан улууһун оройуоннааҕы балыыһатын кылаабынай бырааһа. — Иммунизация «Совигрипп» уонна «Ультрикс Квадри» диэн препараттарынан оҥоһуллар. Кинилэр састааптарыгар бу эпидемическэй сезон кэмигэр ордук наадалаах вирус штаммнара бааллар. Вакцианация ылбыт киһи ыарыйдаҕынан даҕаны, ыарыыны быдан чэпчэкитик аһарынар».
This post was published on 10.10.2022 15:03 15:03