Бүгүн, олунньу 12 күнүгэр, Төрөөбүт тыл, сурук-бичик күнүн чэрчитинэн, Уус Алдан улууһун Бороҕон нэһилиэгин Тумул бөһүөлэгэр бэрт интэриэһинэй тэрээһин буолан ааста, нэһилиэнньэ болҕомтотун тарта.
А.Р.Халдеева аатынан библиотека 3 нүөмэрдээх филиалыгар сэбиэдиссэй Светлана Прудецкая көҕүлээһининэн, нэһилиэк дьоно-сэргэтэ саха норуодунай суруйааччыта Николай Мординов — Амма Аччыгыйа «Сааскы кэм» романыттан быһа тардан диктант суруйдулар.
Маны таһынан, викторина ыйытыктарыгар хоруйдаан, таайбараҥ таайсан, кинигэ быыстапкатын көрөн, күнү көхтөөхтүк атаардылар. Олус туһалаах тэрээһин буолла.
This post was published on 12.02.2016 17:06 17:06