Уус Алдан улууһун Бороҕон нэһилиэгэр аныгы «Арҕаа-2» механизациялаах хочуолунай тутуута салҕанан барар, кини өрөспүүбүлүкэҕэ биир саамай бөдөҥ буолуоҕа. Бу туһунан иһитиннэрэр www.sakha.gov.ru.
24 МВт кыамталаах саҥа хочуолунай тута түөрт эргэрбит сылааһы хааччыйар источниктары — «РАПО», «РДК», «Кэскил» уонна «Центральнай» хочуолунайдары солбуйуоҕа. Эбийиэк сыаналаах ньиэп уматыгыттан аккаастаныаҕа, чох оттук ороскуоту лаппа кыччатыа уонна систиэмэ эрэллээҕин үрдэтиэҕэ.
Дьиэлэри холбуурга уопсайа 2,7 килэмиэтир усталаах ититэр ситим тардыллар.
Бүгүн эбийиэк тутуутун бэлэмэ 70% сыаналанар. Былаһааккаҕа турбалары, гаас тардары, ититэр ситимнэри таҥыы, ону тэҥэ электрическэй таҥыы үлэтэ ыытыллар. Тутууга 50 исписэлиис уонна 7 техника үлэлиир.
