14 От ыйа 14.07
  • 31°
  • $ 87,74
  • 95,76

Уус Алдан оҕолоругар асчыт күрэҕин тэрийдилэр

19:16, 05 декабря 2018
Текст:
Читайте нас на
Яндекс Новости
ЯДВ

«Кулинарный поединок» диэн күрэҕи аан бастаан 2006-2007 сс. Мүрү 1-гы №-дээх орто оскуолатыгар  тэрийбиттэрэБырайыак ааптардарынан технология учууталлара Л.Г. Жиркова, С.С. Аммосова уонна оскуола фельдшера А.Ф. Жиркова буолаллар. Быйыл сэтинньи ыйга Л.Г. Жиркова көҕүлээһининэн күрэх сөргүтүлүннэ. Тэрээһин оҕону сатабыллаахтык астыырга уонна улахан профессиональнай күрэстэргэ кыттарга тирэх буолар.


Мүрү оскуолатын оҕолорун икки ардыларыгар бэрт эриһиилээх, тыҥааһыннаах минньигэс күрэх буолла. Балаһыанньа быһыытынан, “Кулинарный поединокка” хамаанданан үлэлээтилэр. Повар, кондитер уонна волонтер үс киһилээх хамаанданан барыта 39 оҕо кытынна.

Оҕолор технологическай карта диэн тугун билэн, үлэлиир миэстэ ыраас буолуохтааҕын өйдөөн уонна асчыт идэтигэр туох ирдэнэрин, сэрэхтээх буолууну биллилэр. Орто сүһүөх кылаастар сахалыы саламаат, күөрчэх уонна лэппиэскэ оҥордулар. Онтон улахан кылаастар капкейк уонна аһыы соуска буспут сибиинньэ этин, ону таһынан рис гарниры астаан көрдөрдүлэр. Түмүккэ, 5-6 кылаастарга 1 миэстэ – 5 “б” үөрэнээччилэрэ  кыайыылааҕынан таҕыстылар. Саамай минньигэс сахалыы лэппиэскэни Алина Васильева астаата, амтаннаах саламааты Вероника Попова буһарда, оттон бастыҥ күөрчэҕи Коля Портнягин ытыйда. “Бастыҥ волонтер” аатын 6 “а”-тан Лена Лугинова  ылла. “Бастыҥ формалаах кылаастарынан” 6-с “а”, 5 “б”, 5 “в” кылаастар ааттаннылар.

Оттон 7-8 кылаастар ортолоругар 1-кы миэстэни – 7 “а” кылаастар  ыллылар. Бастыҥ лэппиэскэни Арина Степанова, саламааты Толя Копырин уонна күөрчэҕи Коля Готовцев астаан көрдөрдүлэр. “Бастыҥ волонтер” аатын Кузьма Аммосов ылла.

Улахан кылаастарга 9 “б” кылаас  кыайыыны ститистэ. Бастыҥ капкейк аһы Дайаана Жиркова, бастыҥ итии ас уонна бастыҥ гарниры буһаран Саша Васильев кыайан үөрүүтэ үрдээтэ. “Бастыҥ волонтерунан” Нарыйа Сивцеваааттанна, “Бастыҥ форма” диэн номинацияны 10 “а” кылаас хамаандата ылла. Сыл аайы улууска ыытыллар “Джуниор скилс” күрэскэ кыайыылаахтартан оскуола хамаандата сүүмэрдэниэ. Былырыын маннык күрэскэ кыайбыт уолаттар – Ваня Федоров, Артем Протодьяконов «Кулинарное дело» диэн компетенцияҕа улууска бастаан, региоҥҥа 2-с миэстэ буолбуттара.

Ааптар: Мария АММОСОВА 

Следите за самым важным и интересным в Telegram-канале и WhatsApp-группе ЯСИА