Уус Алдан киин балыыһатыгар «Парус» саҥа мобильнай рентген аппарат кэллэ. Үбүлээһинэ «Модернизация первичного звена здравоохранения» бырагырааманан көрүлүннэ.
Кулун тутар ортотуттан аппараакка уонтан тахса чинчийии оҥоһулунна. «Биһиги маннык мобильнайдык уонна түргэнник палаатаҕа чинчийии ыытарбытыттан үөрэбит. Ыарыһах оронун таһыгар, эпэрээссийэ ыытыллар остуол аттыгар. Быраастар үлэлэрин чэпчэтэр, саамай кылаабынайа, хамсаналларыгар ыарахаттары көрсөр ыарыһахтарга көмөлөөх. Рентген-аппараатынан тута дааннайы ыытыллар, онон снимогы корректировкалыырга уонна бырааска тута ыытарга табыгастаах», — диэтэ кылаабынай быраас Анна Петрова.
This post was published on 29.03.2024 16:01 16:01