Кэлэр кыстыкка Саха сиригэр 471 тыһыынча 495 туонна от, 16 тыһыынча 112 туонна сенаж итиэннэ 25 тыһыынча 567 туонна сиилэс бэлэмнэниэхтээх. edersaas.ru суруйар.
— Ыам ыйын бүтүүтүттэн ардах төрүт түһэ илик, – диир Уус Алданнааҕы тыа хаһаайыстыбатын департаменын начальнига Николай Сивцев. – Онон, курааннаатыбыт, эбиитин аһыҥа турда. Онон ордук күүскэ турбут аҕыс нэһилиэгэр аһыҥа дьаатын ыстардыбыт. Былырыын 700 гектарга ыстарбыт буоллахпытына, быйыл 2 тыһыынча гектар ходуһаны эмтээтибит.
Кини этэринэн, бу нэһилиэктэр хаһаайыстыбалара аһыҥаттан өрүсүһэн, бэс ыйын 26 күнүттэн окко киирбиттэр. Билиҥҥи туругунан 300 гектар ходуһа сирэ охсулунна, 20 туонна от кэбиһилиннэ.
Уус Алдан улууһугар нэһилиэктэр окко бу нэдиэлэттэн сыыйа киирэн эрэллэр.
This post was published on 08.07.2020 13:01 13:01