Саха сирин норуоттарын VIII спортивнай оонньууларын ыытыллар кэмигэр Уус- Алдан улууһун баһылыгын бирииһигэр ат сүүрдүүтэ ыытыллыаҕа. Саҥа ипподромҥа биэс сүүрүүнү тэрийиэхтэрэ, диэн СИА кэпсиир.
Ат сүүрдүүтүн от ыйын 8 күнүгэр улуус кииниттэн чугас турар Чараҥ ипподромугар ыытыллыаҕа. Сүүрүүлэр 800, 1200, 1600, 2400, 3200 миэтэрэ дистанцияларга барыахтара, бу туһунан улуус пресс-сулууспата иһитиннэрдэ.
Бириис пуондата 2,5 мөл. солк. буолуоҕа. Ат сүүрдүүтэ уопсай хамаанда зачетугар киирбэт.
Санатан эттэххэ, от ыйын 4-10 күннэригэр Уус-Алдан улууһугар Саха сирин норуоттарын VIII спортивнай оонньуулара былааннаммыттара. Манна өрөспүүбүлкэ араас муннунуттан 36 хамаандаттан 1870- ча спортсмен кыттара былааннанар. Спорт 16 көрүҥэр 206 мэтээл оонньонуоҕа.
