18 От ыйа 18.07
  • 17°
  • $ 88,09
  • 96,3

Усуйаана улууһуттан булуллубут ыт оҕотун Данияҕа чинчийиэхтэрэ

13:03, 08 октября 2020
Текст:
Читайте нас на
Яндекс Новости
ЯДВ

2011 сыллаахха Усуйаана улууһун Тумат нэһилиэгиттэн булуллубут ыт оҕотун ДНК-тын Данияҕа ыытыахтара. Учуонайдар ыт туох төрүттээҕин быһаарыахтара. Бу туһунан ТАССка Мамонт мусуойун үлэһитэ, биологическай наука кандидата Сергей Федоров иһитиннэрбит.


Ыт оҕотун сорҕотун 2011 сыллаахха Усуйаана Тумат нэһилиэгин олохтоохторо булбуттара. Булумньу Гронинген (Нидерланды) университетын быһаарыытынан геологическай сааһа 12,5 тыһ.сылга тэҥнэһэр. Булумньу научнай аата «Тумат-1» диэн.

2015, 2018 сылларга ити сиртэн иккис ыты (Тумат-2) уонна Абый улууһугар «Доҕор» диэн ыт тобохторун булбуттара. Бу үс ыты ХИФУ норуоттар ардыларынааҕы чинчийии бырайыагын быһыытынан үөрэтэр. Чинчийиигэ Бельгия, Германия, Дания, Швеция уонна Япония учуонайдара кыттыыны ылаллар.

Былыргы ыт бөрөттөн уратыта кыра. Кини бөрө эрээри киһиэхэ сымнаҕас майгылааҕынан биллэр. «Булумньу ыттар 2-4 эрэ ыйдаах буоланнар ыттар ыт дуу, бөрө дуу, эбэтэр уопсай төрүттээхтэрин быһаарар уустук. Бастакы көрүүгэ «Тумат1″ ыт оҕотугар майгынныыра. Ол иһин 2015 сыллаахха ыт булуллубут сиригэр киһи олорбут сирин көрдөөбүппүт. Сири булбатахпыт эрээри муос туттар сэп-сэбиргэл, улахан мамонт астаммыт сиригэр майгынныыр сири, аттыгар иккис ыт тобоҕун булбуппут. Билигин ыт сорох ДНК-тын Копенгагеҥҥа чинчиттэрэ ыытабыт», — диир Сергей Федоров.

Саха сиригэр бастакы дьиэ ыттара 8 тыһ. сыл анараа өттүгэр баар буолбуттара биллэр. Ыттар Илин-Сибиирдээҕи муора Де-Лонг арыыларын биирдэстэригэр — Жохов арыытыгар олорбуттар. Бу Евразийскай Арктика саамай хоту туочуката. Археологтар ити сиргэ ыттар сорҕолорун, наартаны булбуттар.

Сиһилии манна аах https://ysia.ru/obraztsy-dnk-doistoricheskogo-shhenka-ostanki-kotorogo-nashli-v-yakutii-napravyat-v-daniyu/ 

Следите за самым важным и интересным в Telegram-канале и WhatsApp-группе ЯСИА