Усуйаана оройуонугар Новосибирскай арыыларга муоранан баран испит үс киһи сураҕа суох сүттүлэр. Эр дьон Новосибирскай арыыга катердарынан барбыттар уонна хас да күн бэйэлэрин туһунан биллэрбэккэ сылдьыбыттар. Ону оройуон дьаһалтата СИА-ҕа иһитиннэрдэ.
«Ааспыт нэдиэлэҕэ Казачье нэһилиэгин икки олохтооҕо Новосибирскай арыыларыгар катерынан тахсыбыттар уонна күн бүгүнүгэр диэри сибээскэ тахса иликтэр. Кинилэр аһаҕас муораҕа балыксыттар көрдөһүүлэринэн тахсыбыттара диэн этиллэр. Биир суукканан чэппиэргэ кинилэр кэннилэриттэн өссө биир киһи тахсан баран сүттэ диэн иккис иһитиннэрии кэлбит . Бу күннэргэ үчүгэй күн-дьыл турбута. ЫБМ-ҥа сайаапка ыыппыппыт. Сүппүт дьону аймахтара муора кытылынан көрдүүллэр», — диэн оройуон дьаһалтатыгар эттилэр.
This post was published on 29.08.2022 16:07 16:07