29 Кулун тутар 29.03
  • -12°
  • $ 92,26
  • 99,71

Усуйаана улууһугар билэр киһилэрин өлүөр диэри олоппоһунан кырбаабыт дьону сууттаатылар

Фото: Мария Васильева, ЯСИА
Читайте нас на
Яндекс Новости
ЯДВ

Усуйаана улууһугар 2022 сыл атырдьах ыйын бүтүүтүгэр эр дьон арыгылыы сылдьан, иккиэ буолан билэр киһилэрин олоппоһунан үнтү сынньан өлөрбүттэр. Кинилэри 7 уонна 8 сылга хаайыыга ыыттылар.

«Этиһии түмүгэр эр дьон билэр киһилэрин элбэхтэ олоппоһунан саайбыттар, ол быыһыгар хаста даҕаны төбөҕө», — диэн өрөспүүбүлүкэ прокуратуратын пресс- сулууспата иһитиннэрдэ.

Ону таһынан, киһини кырбаабыт дьонтон биирдэстэрэ ол иннинэ массыынаны уорбут.

Бу дьон суукка буруйдарын аҥаарын билиннилэр. Суут эр дьону 7 уонна 8 сылга кытаанах режимнээх холуонньаҕа аныырга бириигэбэр таһаарда.

Следите за самым важным и интересным в Telegram-канале и WhatsApp-группе ЯСИА