“Самозанятайдар”, дьоҕус уонна орто бизнес эйгэтин (МСП) урбаанньыттара алтынньы 1 күнүттэн сыл аҥарыгар диэри кредитнэй каникулу ылыахтарын сөп. Тустаах сокуоҥҥа Арассыыйа президенэ Владимир Путин от ыйыгар илии баттаата. Бу туһунан ТАСС суруйар.
Докумуоҥҥа олоҕуран, бизнес бу категорияларын бэрэстэбиитэллэрэ биэс сылга биирдэ бааҥҥа алта ыйга диэри болдьохтоох кредитнэй каникулу оҥорторуохтарын сөп.
Тустаахтар ылбыт кирэдьииттэрин муҥутуур кээмэйиттэн көрөн баан каникул биэрэр: самозанятайдар — 10 мөл.солк., микротэрилтэлэр — 60 мөл. солк., кыра тэрилтэлэр — 400 мөл. солк., орто тэрилтэлэр — 1 млрд солк..
Чэпчэтиилээх кэм устатыгар, сокуон быһыытынан, кредит дуогабарынан көрүллүбүт усулуобуйаҕа бырыһыан ааҕыллара салҕанар. Сокуон 2024 сыл кулун тутар 1 күнүттэн түһэрсиллибит кредитнэй дуогабардарга сыһыаннаах.
