24 От ыйа 24.07
  • 29°
  • $ 87,3
  • 95,46

Уран тыл оһуордаах ыһыаҕа, литературнай пикник

17:47, 14 июня 2016
Текст:
Читайте нас на
Яндекс Новости
ЯДВ

Бэс ыйын 11 күнүгэр куорат биир кэрэ бэлиэ миэстэтигэр Үс хатыҥҥа айар куттаах дьон мустан “Уран тыл оһуордаах ыһыаҕын” ыстылар. Тэрээһин СР Национальнай библиотекатын, Саха сирин суруйааччыларын ассоциацияларын көҕүлээһининэн ыытылынна. Бу күн республика 8 улууһуттан “Орто дойду хоһоонньуттарын күөн күрэһигэр” 32 хоһоон, “Орто дойду кэрэхсэбиллээх кэпсээнньитэ” күрэскэ 16 кэпсээн суруйар айар куттаах дьон көрсөн күөн көрсүстүлэр. Бары да бэлэмнэнэн, «ыанньыйан” кэлбиттэр. Поэзияны таптааччыларга аһаҕас микрофон ыытылынна, онно ким баҕалаах тахсан таптыыр хоһоонун аахта. Айар тыл илбиһигэр куттарын туттарбыт, айар үлэ умсулҕаныгар сылдьар араас ааптардар хоһооннорун, кэпсээннэрин аахтылар. Маны барытын дьүүллүргэ күүс көмө буоллулар суруйааччылар Е.В.Слепцова-Куорсуннаах, Иван Осипов-Ойуур, Гаврил Андросов, Саргылана Спиридонова, Ангелина Шадринова-Суоһааны, НБ кыраайы үөрэтэр салаа сүрүннүүр библиотекара Е.П.Ефимова.

Түмүккэ, лауреат үрдүк аатын кэпсээни суруйаачыларга Үөһээ Бүлүүттэн төрүттээх Валерий Никифоров-Суор Уола, 1-кы миэстэни Уус-Алдантан Антонина Бурцева, 2-с миэстэни Хаҥалас улууһуттан Людмила Колесова, 3-с миэстэни Өймөкөөнтөн Ульяна Скрябина ыллылар. Хоһоонньуттарга лауреат аатын Тааттаттан төрүттээх Алексей Кулаковскай, 1-с миэстэни Амма Болугуруттан сылдьар Сахаяна Кожурова, 2-с миэстэни Намтан Василий Ушницкай, дь-с миэстэни Чурапчыттан Иван Попов ылан үөрүү өрөгөйүн билилэр. Ону тэҥэ айар тутар дьону түмэр, литературнай холбоһуктар бээйэлэрин улустарын иһигэр үлэлэрин билиһиннэрэн, дьоҥҥо сэргэҕэ кэпсээн тарҕастылар. Амма Болугурутан кэлбит айар түмсүү олус сэргэхтик үлэлиилэрин туһунан салайааччылара, Болугур орто оскуолатын учуутала Марианна Лазаревна Седалищева кэпсээн билиһиннэрдэ.

Таатта улууьуттан киин библиотека иьинэн улэлиир «Уран тыл » литературнай түмсүүттэн Светлана Игнатьева бу курдук санаатын үллэһиннэ: “ Биһиги былырыын бастакы пикникка сылдьыбыппыт, быйыл састааппытын уларытан 10 саҥа киһи кыттан баран эрэбит. Пикник тэрээһинэ учугэй, дьон аһаҕас микрофоҥҥа санааларын, айымньыларын көҥүллүк этэр буолбуттар, былырыынныттан сайдыбыттар. Пикник норуокка тахса уөрэнэллэригэр, бэйэ-бэйэни кытта билсэргэ, опыт атастаһарга, сайдарга туһалаах. Инникитин формата өссө саҥардыллан, байытыллан сал5ана турарыгар ба5арабыт. Биһиги библиотекабыт маннык проектары иилээн саҕалаан үүнэр көлүөнэҕэ тиэрдэр сыаллаах-соруктаах үлэлиибит.

— Таатта улууһун литературнай картата,

— Таатта литературнай бэлиэ миэстэлэринэн литературнай маршрут,

— Киин библиотека «По памятным литературным местам Таатты» бырайыага 2015 с. Ил Дархан Гранын ылбыта. Бырайыак чэрчитинэн Нам улууһуттан делегация кэлэн суруйааччылар төрөөбут алаастарынан, пааматынньыктарынан сылдьыбыттара

— Литература сылыгар «Уран тыл оһуордаах хонуута» сериянан 26 олохтоох автордар хомуурунньуктара бэчээттэнэн таҕыста.

— 2008 сылтан сыл аайы «Сыл бастыҥ кинигэтэ» олохтоох автордар кинигэлэрин конкурстара ыытыллар

— Ытык Күөл киинигэр литература сквера оноһулла турар. Маны барытын аҕалан биир идэлээхтэрбитигэр көрдөрдүбүт, билиһиннэрдиьит, бэйэлэрин үлэлэригэр туһанныннар диэн сүбэ-ама биэрдибит”.

Дьэ ити курдук, иккис республикатааҕы Литературнай пикник үлэтин түмүктээтэ. Түгэнинэн туһанан, СӨ (Ил Түмэн) Судаарыстыбаннай Мунньаҕа (бэрэссэдээтэл А.Н.Жирковка), Ыччат уонна дьиэ кэргэн министерствотыгар (министр А.С.Владимировка), “Бичик» кинигэ кыһатыгар (директор А.В.Егоровка), «Сахамедиа» холбоһукка ( директор солбуйааччыта А.И.Ноевка), “Ситим” медиа-холбоһукка (директор М.Н.Христофороваҕа), “Чолбон” сурунаалга (сүруннүүр редактор Д.Макеевка) күүс көмө буолбуттарыгар махталбытын тиэрдэбит.

Следите за самым важным и интересным в Telegram-канале и WhatsApp-группе ЯСИА