14 От ыйа 14.07
  • 31°
  • $ 87,74
  • 95,76

Уопсастыбаннай киин үөрүүлээхтик аһылынна

14:55, 27 сентября 2016
Читайте нас на
Яндекс Новости
ЯДВ

Саха сиригэр Судаарыстыбаннас күнүгэр Курашов аатынан уулуссаҕа урукку Идэлээх сойуустар умайбыт дьиэлэрин оннугар Уопсастыбаннай киини үөрүүлээх быһыыга-майгыга астылар.


«2011 сыл сэтинньи 18 иэдээннээх күнүн өйдүүбүт – улахан уот дьиэни күл оҥорбута. Уопсастыба кыттыытынан, бырабыыталыстыба өйөбүлүнэн дьиҥнээх дыбарыас дьэндэйэн таҕыста. Манна сомоҕолоһуу, доҕордоһуу санаалара үөскүү туруохтара диэн бүк эрэнэбин», — диэн вице-премьер эбээһинэһин толорооччу, баһылык уонна бырабыыталыстыба дьаһалтатын салайааччы Юрий Куприянов эттэ.

«Саха сирин салалтатыттан бу улахан бэлэх. 7 этээстээх баараҕай тутуу – уопсастыбаннай киин атын региоҥҥа ханна да суох», — диэтэ Идэлээх сойуустар өрөспүүбүлүкэтээҕи федерацияларын салайааччыта Николай Дегтярев.

Эбийиэккэ уопсастыбаннай балаата, Норуот фронун Саха сиринээҕи салаата, бэтэрээннэр сэбиэттэрэ, инбэлииттэр уопсастыбаннай тэрилтэлэрэ, РФ Паралимпийскэй кэмитиэтин өрөспүүбүлүкэтээҕи салаата, «Дьулуур» оҕо хамсааһына, о.д.а. коммерческайа суох тэрилтэлэр үлэлэрин саҕалаатылар.

Следите за самым важным и интересным в Telegram-канале и WhatsApp-группе ЯСИА