Кулун тутар 25 күнүгэр Восточнай космодромтан «ВанВэб» (Миссия №43) космическай аппарааттаах «Союз-2-1б» ракета-носитель көтөрө былааннанар. Былааннаммыт көтүү нэһилиэнньэҕэ куттала суох ааһарын хааччыйа Саха сиригэр исписэлиистэр бөлөхтөрө кэлиэ.
Билиҥҥитэ ракета көтүүтүгэр бэлэм толору. Бу туһунан СӨ нэһилиэнньэ олоҕор куттал суох буолуутун кэмитиэтин салайааччытын бастакы солбуйааччы Иннокентий Андросов сүбэ мунньаҕар иһитиннэрдилэр.
Суол сабыллыан иннинэ бу сырыыга итиэннэ аныгыскыга түһэр ракеталар тобохторун харайар, тиэйэр контейнердар Сангаарга тиэрдиллиэхтээхтэр.
Урукку ракета тобохторун харайа Сангаарга бастакы бөлөх айаннаата. Кинилэр кулун тутар 12-22 күннэригэр үлэлиэхтэрэ.
This post was published on 11.03.2021 15:01 15:01