29 Кулун тутар 29.03
  • -14°
  • $ 92,26
  • 99,71

«Умнас» суол учаастагын өрөмүөнэ кыраапыктан уруттаан иһэр

Читайте нас на
Яндекс Новости
ЯДВ

Быйыл Дьокуускай куорат иһинэн «Умнас» өрөспүүбүлүкэтээҕи массыына суолун 8,2 километрын өрөмүөнэ саҕаланна. Биэдэмистибэ генеральнай дириэктэрин бастакы солбуйааччы Виктор Игнатьев бэлиэтээбитинэн, суол үлэлэрэ болдьохтон хаалыыта суох ыытыллаллар.

«Бэдэрээтчит үлэҕэ улахан уопуттаах. Бу сыллааҕы суол сезонугар Дьокуускайтан Үс Хатыҥҥа диэри «Нам» массыына суолун учаастагын болдьох иннинэ оҥорон туттарда. Билигин «Умнас» массыына суолугр уруттуур үлэлэр бара тураллар», — диэн Управтодор бэрэстэбиитэлэ иһитиннэрдэ.

Виктор Игнатьев суол үлэтэ икки түһүмэҕинэн барарын бэлиэтээтэ, аныгыскы уонна 2024 сылга учаастактары туттаралларын ыйда. Массыына суола асфальтобетон бүрүөһүннээх түөрт балаһалаах буолуоҕа, тыастан харыстыыр экраннардаах, тротуардаах, оптуобус тохтобуллардаах, светофордаах уонна тас сырдатыылаах.

Билигин бастакы учаастакка бэдэрээтчит суолу кэҥэтэн бүтэрэрэ кыра хаалла, суол эргэ бүрүөһүнүн көтүрэн баран уу аһарар турбаларын ууруохтара.

Следите за самым важным и интересным в Telegram-канале и WhatsApp-группе ЯСИА