ОДьКХ министиэристибэтин иһинэн коронавирус инфекцията тарҕаныытын бохсор суһал штаб үлэлиир. Биэдэмистибэ пресс-сулууспата СИА-ҕа иһитиннэрдэ.
Тустаах биэдэмистибэ бирикээһигэр олҕуран, олоҕу-дьаһаҕы хааччыйар тэрилтэлэргэ эмиэ суһал штабтар тэриилиннилэр.
Регионнааҕы ОДьКХ министиэристибэтэ элбэх кыбартыыралаах дьиэлэр уопсай туттар сирдэрин дизенфекциялааһыҥҥа мониторинг күннэтэ ыытар. УК уонна ТСЖ-лар манна эппиэтинэстээхтэр.
Миниистир Дмитрий Садовников суһал штабка муниципалитеттары кытта олорор дьиэ фондатыгар санитарнай дьаһаллары ылыыга күүстээх үлэни ыытары соруйда.
Кулун тутар 26 күнүнээҕи дааннайынан, өрөспүүбүлүкэҕэ баар 8 359 олорор дьиэттэн 5 185 дьиээтэ (62%) дезинфекциялааһыны ааста. 153 управляющай хампаанньа кытынна, муниципалитеттарга эппиэтинэстээх дьон сыһыарылыннаБастакы вице-премьер Алексй Колодезников «Водоканал» АУ муниципалитеттар наадыйыыларыгар гипохлорит натрия оҥорон, туттууга таһааралларыгар эттэ, салгыы УК-га уонна ТСЖ-га бэриллэн, элбэх кыбартыыралаах дьиэлэри дезинфекциялааһын ыытыллыахтаах.
Дезинфекция сириэстибэтэ саппааска баар: «СӨ ОДьКХ» ГУТ — 441 бааҥка «Аквабриз», 4 942 кг гипохлорит кальций, «Теплоэнергосервис» АУо — 400 кг гипохлорит кальций.
Сиһилии https://ysia.ru/dezinfitsiruyushhimi-sredstvami-obespechat-rajony-yakutii/
This post was published on 27.03.2020 11:28 11:28