Россиятааҕы муниципальнайдааҕы «Малая Родина – сила России» иккис пуорум Москва куоракка муус устар 21 — 23 күннэригэр Российскай Федерация президенэ Владимир Путин сорудаҕынан ыытылынна. Регионнартан 4 тыһыынчаттан тахса кыттааччыны түмтэ.
Олохтоох салайыныы баһылыктара, федеральнайдааҕы уонна регионнардааҕы былаастар, бизнес, уопсастыбаннай тэрилтэлэр, экспертиир түмсүү бэрэстэбиитэллэрэ кытыннылар. Саха сирин делегацията пуорумҥа кыра куораттары сайыннарыыга, муниципалитеттар тыа сирин территорияларын сайдыытыгар оруолларын, территориялары биир кэлим сайыннарыы, маны сэргэ хомунаалынай уонна тырааныспар инфраструктуратыгар анаммыт тиэмэлэринэн үлэлээтилэр.
«Уопут атастаһыыта уонна тохтоло суох үөрэнии — таһаарыылаахтык салайыы сүрүн инструмена буолар. Муниципалитеттар баһылыктара, бэйэлэрин билиилэрин уонна үлэлэрин холбоон, территориялар сайдыыларыгар анаммыт сөптөөх быһаарыылары ылаллар. Дьон олоҕун хаачыстыбата тупсар уонна инники сайдыыга тирэҕи оҥороллор», – диэтэ олохтоох салайыныы боппуруостарыгар Департамент салайааччыта Иван Попов.
Президент Владимир Путин бэлиэтээбитинэн, билигин чаҕылхай уонна көхтөөх киһи элбэх, ыалларыгар, биир дойдулаахтарыгар, дьоҥҥо көмөлөһөр баҕалаахтар. Олохтоох таһымҥа элбэх үлэни ыыталлар. Уопуттарыттан атастаһаллар, бастыҥ практикалары тэнитэллэр.
This post was published on 24.04.2025 12:02 12:02