Арассыыйаҕа «Улицы в лицах» диэн норуоттар икки ардыларынааҕы патриотическай акция саҕаланна. Бырайыак ыччаты гражданскай-патриотическай иитиигэ уонна куорат уулуссаларыгар ааттара иҥэриллибит геройдар хорсун быһыыларын дьон билиитигэр таһаарыыга туһуланар.
Акция Харитон (Хан) Руденко салалтатынан олоххо киирэр уонна «Российскай Федерация гражданнарын патриотическай иитии» федеральнай бырайыак уонна 2030 сылга диэри ыччат бэлиитикэтин сайыннарыы стратегиятын чэрчитинэн ыытыллар.
Көҕүлээһин сүрүн сыала-соруга — көлүөнэлэр ситимнэрин тутуһан, ыччакка дойдуларын историятын геройдар дьиҥнээх биографияларын нөҥүө билиһиннэрии. Аахсыйа чэрчитинэн көхтөөх дьон оскуолаларга кылаас чаастарын, көрсүһүүлэрин ыыталлар, информационнай аккырыыккалары үллэрэллэр, квестары, викториналары, быыстапкалары, патриотическай кэнсиэртэри уонна экскурсиялары тэрийэллэр.
Тэрийээччилэр көрдөрүүлэринэн, 2025 сыллаахха бырайыак Россия 89 регионун хаппыт. Аахсыйаҕа 20 тыһыынчаттан тахса тэрийээччи уонна биэс мөлүйүөнтэн тахса киһи кыттыыны ылбыт.
Бырайыак салгыы сайдан, ыччат бэйэтин дойдутун историятын үчүгэйдик билэригэр көмөлөһөр, ааспыт көлүөнэлэр хорсун быһыыларыгар ытыктабылы, төрөөбүт дойду инники кэскилин туһугар эппиэтинэһи үөскэтэр.
