21 От ыйа 21.07
  • 23°
  • $ 88,02
  • 96,04

Улахан үүт кэмэ: Өрөспүүбүлүкэ үүккэ былааны толорор кыахтаах

15:58, 22 июля 2016
Текст:
Читайте нас на
Яндекс Новости
ЯДВ

От ыйа — улахан үүт кэмэ. Бэс ыйын 22 күнүгэр өрөспүүбүлүкэҕэ 19 294 тонна үүт ыаммыт эбит буоллаҕына, от ыйын 21 күнүгэр ити көрдөрүү 33 216 тоннаҕа диэри эбилиннэ.


«Тохсунньуттан от ыйыгар диэри үүтү соҕотуопкалааһын былаана 33 971 тонна, оттон билигин номнуо итинтэн 97,8 бырыһыана ыанна»,- диэн тыа хаһаайыстыбатын министиэристибэтигэр эттилэр.

Өрөспүүбүлүкэҕэ үүтү ыаһыҥҥа уопсай былаан 72 814 тонна.

Былааны аһара толорон иһэр улуустар ахсааннарыгар киирэллэр: Мэҥэ Хаҥалас (2 935,5 тн – 104,8 %), Нам (1 679,5 тн – 113,5 %), Ньурба (2 302,0 тн — 109,7 %), Сунтаар (3 451,7 тн – 104,6 %), Уус-Маайа (171,2 тн – 107,7 %), Хаҥалас (2 805,8 тн – 105,1 %), Чурапы (3 513,1 тн – 119 %), Дьокуускай (669,0 тн – 179,8 %).

Абый улууһа былаанын 66,8 %, Үөһээ Бүлүү —74,2 %, Өймөкөөн — на 51,1 %, Орто Халыма — 60,2 % толордулар.

Ленскэй улууһугар сыл саҕаланыаҕыттан 82 тонна үүтү ыатылар, бу былаан 62,1%.

Тыа хаһаайыстыбатын бородууксуйатын оҥорон таһаарааччыларга өрөспүүбүлүкэ бюджетыттан 1 265 091 тыһ.солк. кээмэйдээх үп көрүллэр.

«Үүтү тутар сыана үрдээһинэ ыаһыҥҥа быһаччы дьайар. Былаан туоларыгар бүк эрэллээхпит»,- диэн министиэристибэҕэ эттилэр.

Следите за самым важным и интересным в Telegram-канале и WhatsApp-группе ЯСИА