19 От ыйа 19.07
  • 18°
  • $ 87,88
  • 96,1

Улахан ойуур баһаара өссө алта улууска бэлиэтэнэр

13:01, 16 июня 2021
Текст:
Читайте нас на
Яндекс Новости
ЯДВ

Улахан ойуур уота Үөһээ Бүлүү, Ньурба, Өймөкөөн, Сунтаар, Уус Майа уонна Томпо улуустарыгар баара бэлиэтэнэр, СИА-ҕа регионнааҕы ЫБММ иһитиннэрдэ.


«Авиалесоохрана» тэрилтэ Саха сирин территориятыгар 16 айылҕа баһаара баарын бэлиэтиир. Сууккаҕа биэс уот бохсулунна. 908 киһи уонна 106 техника үлэлээтэ. Сууккаҕа 18 кэтээн көрөр бөлөх баһаартан сэрэхтээх буолууга 256 киһиэхэ сүбэ биэрдэ, 10-тан тахса киһи ойуурга тахсыытын бобуста.

Регион нэһилиэнньэлээх пууннарыгар буруону кэтээн көрүү ыытыллар. Гидрометеосулууспа уонна Роспотребназор тэрилтэлэринэн салгын туругун билиигэ 9 проба ылылынна, түөрт улууска, нуорматтан тахсыы бэлиэтэммэт.

Ыарахан балаһыанньа Үөһээ Бүлүү, Ньурба, Өймөкөөн, Сунтаар, Уус-Майа, Томпо улуустарыгар бэлиэтэнэр. Манна 10 очаг баар, уопсай иэнэ 23 тыһ гектары куоһарар.

Следите за самым важным и интересным в Telegram-канале и WhatsApp-группе ЯСИА