Төһө да дьаҥынан хааччахтыыр миэрэлэр ылыллан турдаллар, Хаҥалас улууһун Улахан Ааныгар 90 миэстэлээх дьыссаат тутуута кыраапыктан хаалбакка баран иһэр. Бу туһунан СИА-ҕа олохтоох дьаһалта иһитиннэрдэ.
Хаҥалас улууһун баһылыгын солбуйааччыта Олег Иринеев иһитиннэрбитинэн, эбийиэк аннынан отмосткатын тутуу бүттэ.
“Тутуу былаан быһыытынан баран иһэр. Ыам ыйын бүтүүтэ сыбаайата түспүтэ. От ыйыгар отмостката, хочуолунайыгар, баһаарынай резервуарыгар үлэлэр ыытылыннылар”, – диэтэ кини.
Билигин бүрүөһүнүн саба сылдьаллар.
Улахан Ааҥҥа оҕо тэрилтэтэ «Тыа сирин туруктаахтык сайыннарыы» федеральнайдааҕы бырагырааманан тутуллар. Федеральнайдааҕы, регионнааҕы уонна муниципальнай бюджеттартан үбүлэнэр. Маны сэргэ тастан үбүлээһин эмиэ көрүллэр.
Эбийиэк тутуута 2021 сылга түмүктэниэхтээх.
This post was published on 09.07.2020 16:01 16:01