20 От ыйа 20.07
  • 19°
  • $ 88,02
  • 96,04

Училище үбүлүөйдээх кэнсиэрэ уруйунан-айхалынан аргыстанна

11:05, 26 февраля 2016
Текст:
Читайте нас на
Яндекс Новости
ЯДВ

Дьокуускайдааҕы культурнай-сырдатар училищеттан кынат анньыммыт колледж, культура эйгэтигэр анаммыт үөрэх тэрилтэтэ тэриллибитэ 80 сыллаах бэлиэ даататын көрсө, тэрээһиннэри тиһиктээхтик ыытар. Соторутааҕыта культурнай-сырдатар училищены 70-80-с сылларга бүтэрбиттэр мустар улахан кэнсиэр көрдөрдүлэр. Бу туһунан СИА колледж методиһа, пресс-сэкирэтээрэ Василий Бачьев иһитиннэрдэ.

Үбүлүөйдээх сылга анаммыт дьоро киэһэ дьон-сэргэ сүргэтин улаханнык көтөхтө. Бииргэ устудьуоннаан баран, үлэһит буолуохтарыттан ылата быыс булан өр көрсүбэтэх доҕордуулар бу киэһэ көрүстүлэр. Кэнсиэр ураты истиҥ буолла, саҕаланыаҕыттан ытыс тыаһынан доҕуһуолланна. Саалаҕа толору мустубут көрөөччүлэр эдэр сааспытыгар эргиттигит, устудуьуоннаабыт кэмнэрбитин санаттыгыт диэн махталлара муҥура суох”, — диэн кэпсээтэ.

Күүтүүлээх дьоро киэһэ түһүлгэтигэр көрөөччүлэр куттарын туппут: Татьяна Сергучева, Вера Никифорова, Людмила Акимова, Николай Прокопьев, Наталья Михайлова, Михаил Павлов, Николай Спиридонов, Сардана Осипова, Вячеслав Попов, Галина Мамонтова, Савва Вензель, Иван Иванов, Сардаана, Исидор Варфоломеевтар ыллаабыттар-туойбуттар. Дуорааннаах тэрээһини Дьокуускайдааҕы культура уонна искусство колледжын коллектива тэрийбит.

Следите за самым важным и интересным в Telegram-канале и WhatsApp-группе ЯСИА