Уһук Илиҥҥи уонна Арктика сылга 2% ыстаапкалаах ипотекалара 2030 сылга диэри үлэлиэхтэрэ. Бырагырааманы РФ президенин Уһук Илиҥҥэ боломуочуйалааҕа Юрий Трутнев ситистэ. Бааннар усулуобуйаларын уларытан эрдэхтэринэ, бу наадалаах бырагыраама буоларын дойду салалтатыгар бигэргэттэ. Ол туһунан регион салалтатын пресс-сулууспата суруйда.
Регион олохтоохторо кыра бырыһыаннаах ипотеканы оҥорторуулара саҕаланна, ону кытта макрорегиоҥҥа тутуу тиэмпэтэ түргэтээтэ.
«Владимир Путин “Дальневосточная и арктическая ипотека” бырагырааманы 2%-нан 2030 сылга диэри хаалларар сорук туруорда. Исписэлиистэр эйгэлэрин кэҥэтэр этилиннэ. Президент сорудаҕын толоруохтаахпыт. Бааннар усулуобуйаларын уларытан барбыттарыгар, ол туһунан бырабыыталыстыба бэрэссэдээтэлэ Михаил Мишустиҥҥа эппитим. Кини үп министиэристибэтигэр сорудахтаабыта. Министиэристибэ бааннарын кытта үлэтэ саҕаламмыта. Ол кэннэ бырабыыталыстыба бааннарга тиийбэт сууманы биэрэр», — диэтэ Юрий Трутнев.
Бырагырааманы кытта үлэлиир бааннар судаарыстыбаттан компенсация ылаллар, кээмэйэ 3%, ипотека кирэдьиитин кытта үлэлииллэригэр.
This post was published on 24.02.2025 16:26 16:26