«Уһук Илиҥҥи гектар» бырагыраамаҕа кыттыы ханнык да төлөбүрү көрдөөбөт, СИА-ҕа экология министиэристибэтэ иһитиннэрдэ.
WhatsApp-ынан Аллараа Бэстээххэ «экопоселение» тутулларын туһунан иһитиннэрии тарҕанна. Манна экология министиэристибэтэ быһаарыы биэрэр.
Саха сиригэр «Уһук Илиҥҥи гектар» бырагыраама 2016 сыллаахтан үлэлиир. Бырагыраама чэрчитинэн үгүс сир ойуур пуондатыгар, тыа хаһаайыстыбатынан дьарыктаныыга аналлаах категорияҕа баарга уо.д.а. киирсэр. Манна биири тоһоҕолоон биэрдэххэ, ойуур пуондатыттан ылыллыбыт сир, биэс сылынан чааһынай бас билиигэ бэриллэригэр, ойуур пуондатыттан атын категориялаах сиргэ көһөрүллүөхтээх.
Бу бырагыраамаҕа кыттыы төлөбүрэ суох. Учаастагы талыы уонна ылыы Россия гражданнарыгар босхо уонна көҥүл.
Онон мессенджердар нөҥүө тарҕанар биллэриилэргэ болҕомтолоох буоларгытыгар ыҥырабыт.
Сиргэ сыһыаннаһыыларга министиэристибэ быһаарыытын манна киирэн билсиҥ https://minimush.sakha.gov.ru/news/front/view/id/3259688.
This post was published on 08.02.2021 14:01 14:01