22 От ыйа 22.07
  • 30°
  • $ 88,02
  • 96,04

Уһук Илиҥҥэ сири босхо биэрии сокуонугар хапсыбат сирдэр каарталарын миниистир көрдөрдө

15:35, 18 марта 2016
Текст:
Читайте нас на
Яндекс Новости
ЯДВ

Баай-дуол, сир сыһыаннаһыылырын миниистирэ Евгения Григорьева Уһук Илиҥҥэ сири босхо түҥэтиигэ киирбэт өрөспүүбүлүкэ ураты харыстанар уонна үгэс буолбут дьарыкка туттулар сир каартатын көрдөрдө.


Билиҥҥитэ каарта сулууспалаахтар туһаныыларыгар сылдьар. Сотору сокуон күүһүгэр киирдэҕинэ, ким барыта киирэн көрөр, билсэр кыахтаныаҕа. Өрөспүүбүлүкэ сирин-уотун 62% сири босхо түҥэтии сокуонугар хапсыбат”, – диэтэ «Пресса Земли Олонхо» фестиваль чэрчитинэн ытыллыбыт төгүрүк остуолга Евгения Григорьева.

Бүгүҥҥү күҥҥэ Росреестры кытта информационнай сервиһи толорууга үлэ бара турар. Онно үгэс дьарыкка туһаныллар, ураты харыстанар сирдэр, ойуурдар, өрөспүүбүлүкэтээҕи уонна муниципальнай суолталаах суоллар, дьон көмүллэн сытар сирдэрин киллэрэн биэриэхтэрэ.

Ону таһынан култуура баайын эбиэйиэктэрэ, федеральнай резервэҕэ киирбит баайдаах, гидротехгическэй тутуулаах, о.д.а. сирдэр тустарынан иһитиннэриилэр сервискэ бааллар.

Миниистир этэринэн, федеральнай сокуон барыла Госдумаҕа иккис ааҕыыга диэри тиийбит.

Кини юридическэй сулууспаны ааспыт бырайыакка Саха сирэ киллэрбит этиилэрэ аахсыллыбыттарын ыйда.

Следите за самым важным и интересным в Telegram-канале и WhatsApp-группе ЯСИА