24 Тохсунньу 24.01
  • -48°
  • $ 73,82
  • 83,32

Уһук Илиҥҥэ Саха сирин бэрэстэбиитэлистибэтэ уонна Нам улууһа каадыры бэлэмнииргэ үлэни күүһүрдэллэр

16:58, 06 апреля 2016
Текст:

Уһук Илин федеральнай уокурукка Саха сирин бэрэстэбиитэлэ Георгий Никонов уонна Нам оройуонун баһылыга Александр Атласов хардарыта бииргэ үлэлиир туһунан сөбүлэһиигэ илии баттаатылар.


Сөбүлэһиигэ регионнар, норуоттар икки ардыларынааҕы сибээһи кэҥэтиигэ, Саха сирэ Уһук Илиҥҥэ, Азия, Чуумпу акыйаан регионнарыгар силлииһиитигэр, өрөспүүбүлүкэҕэ наадалаах каадырдары бэлэмнээһиҥҥэ, илиҥҥи байыаннай уокурукка сулууспалыы сылдьааччыларга көмөлөһүүгэ, о.д.а. сыһыаннаах балаһыанньалар киирдилэр.

анам1

Былаас уорганын бэрэстэбиитэллэрэ Нам оройуонуттан Хабаровскай кыраай үрдүк үөрэҕин кыһаларыгар үөрэнэ сылдьар устудьуоннары кытта көрүстүлэр.

Маннык көрсүһүүлэр ыччат дойдутун кытта сибээһэ быстыбатыгар көмөлөөх. Олорорго, үлэлииргэ усулуобуйа суоҕа ыччат дойдутуттан көһүүтүн, тэйиитин сүрүн төрүөтүнэн буолара. Билигин тыа сирин тупсарыыга улахан үлэ ыытыллар, онон устудьуоннар инникитин төрөөбүт дойдуларыгар эргиллэн үлэлииллэригэр-хамсыылларыгар, олохторун тэринэллэригэр интэриэс үөскүүр.

анам0

0
0
24 января 24.01
  • -48°
  • $ 73,82
  • 83,32