29 Кулун тутар 29.03
  • -11°
  • $ 92,26
  • 99,71

Уһук Илиҥҥэ сүүһүнэн тыһыынча үлэ миэстэтэ баарын иһитиннэрдилэр

17:01, 28 января 2021
Текст:
Читайте нас на
Яндекс Новости
ЯДВ

Бу күннэргэ онлайн ыытыллыбыт «Траектория карьеры» диэн үлэ дьаарбаҥкатыгар Уһук Илиҥҥэ уонна Арктикаҕа киһи хапытаалын сайыннарыы агентствота Уһук Илиҥҥэ сүүһүнэн тыһыынча үлэ миэстэтэ баарын иһитиннэрдэ.  


Агентство социальнай бырайыактарга отделын салайааччы Светлана Горшунова Уһук Илиҥҥэ 23 урутаан сайдыы сирдэрэ тэриллибиттэрин, онно 500-тэн тахса саҥа тэрилтэлэргэ сүүһүнэн тыһыынча үлэ миэстэтэ ирдэнэрин биллэрдэ. Горшунова ордук көмүс, чох, руда, ниэп, гаас хостооһунугар, переработкаҕа, массыына тутуутугар, тырааныспарга, логистикаҕа, ойуур бырамыысалыннаһыгар, тыа хаһаайыстыбатыгар, ас бырамыысалыннаһыгар, балыктааһыҥҥа, аквакультураҕа, тутууга, туризмҥа, сервиска үлэһиттэр наадаларын иһитиннэрдэ.

Ирдэнэр идэлэр испииһэктэрин Агентство саайтыгар көрүөххэ сөп. Билиҥҥитэ онно икки тыһыынчаттан тахса вакансия киирэн сылдьар. Сорох идэлэргэ биэстэн элбэх киһи ирдэнэр.

Агентство үлэһиттэрэ сүбэ-ама буоларга бэлэмнэрин эттилэр.

Следите за самым важным и интересным в Telegram-канале и WhatsApp-группе ЯСИА