БКЭ уонна ССЭ бэлэмнэнии оскуола оҕолоругар судургута суох сорук. Онон Уһук Илиннээҕи федеральнай уокурукка төрөппүттэр репетитордар көмөлөрүн туһаналлара уонна бэлэмнэнии кууруһун көрөллөрө үксээн иһэр. «Авито Услуг» аналитиктара атырдьах ыйынааҕы эбии дьарыкка ирдэбили үөрэтэн, дьиэ кэргэттэр ханнык предметтэргэ инвестицияланалларын уонна Уһук Илиҥҥэ бөлөҕүнэн уруоктар төһө сыаналаахтарын билистилэр.
БКЭ: Математика — саамай дьон наадыйара
«Авито Услуг» чинчийиитигэр этиллэринэн, 2025 сыл атырдьах ыйыгар Уһук Илин регионугар төрөппүттэр саамай базовай математикаҕа репетитордары туһаммыттар. Бу дьарыкка ирдэбил ааспыт ыйдааҕар 2,5 төгүл (156%) тахса үрдээтэ. Онуоха бөлөҕүнэн дьарык сыаната баара-суоҕа 1 000 солк. саҕаланар.
Обществознаниеҕа БКЭ бэлэмнэниигэ эмиэ интэриэс биллэрдик улаатта – ирдэбил 83% үрдээтэ, оттон дьарык сыаната 900 солкуобайтан саҕаланар. Нуучча тылын уруоктара эмиэ ирдэбиллээх буолулар — 79% үрдээһин, онуоха орто сыаната 1 000 солк.тэҥнэһэр.
Химияҕа репетитортарга ирдэбил 70% (сыаната 1 000 солк.), биологияҕа 60% (1 000 солк.) элбээтэ. Информатикаҕа репетитордар өҥөлөрө 55% (1 000 солкуобайтан), оттон физикаҕа 9% (800 солкуобайтан 1 000 солкуобайга диэри) ирдэнэр буолла.
Ортотунан, бөлөҕүнэн дьарыктар сыллааҕы куурустара (нэдиэлэҕэ 2 төгүл, каникулу таһынан) төрөппүттэргэ 63-тэн 78 тыһыынча солкуобайга тиийиэҕэ. Биирдиилээн дьарык, быраабыла быһыытынан, ыарахан сыаналаахтар.
ССЭ: Математика манна эмиэ инники күөҥҥэ сылдьар, дьарык алын сыаната – 800 солк.
«Авито Услуг» ырытыыта математика эмиэ Уһук Илиннээҕи федеральнай уокурукка саамай ирдэбиллээх предмет буолбутун көрдөрөр. Математика репетитордарыгар ирдэбил от ыйынааҕар үс төгүл (185%) улаатта. Биир бөлөх дьарык сыаната 800 солкуобайтан саҕаланар.
Нуучча тылыгар эбии уруоктарга ирдэбил икки төгүл элбээтэ (109%), оттон дьарык сыаната 1 000 солкуобайтан саҕаланар. Химияҕа (76% үрдээһин, сыана 800 солк.1 000 солк. диэри) уонна информатикаҕа (62% үрдээһин, сыаната 1 000 солк.) эмиэ интэриэс үрдээбитэ бэлиэтэнэр. Обществознаниеҕа дьарыкка ирдэбил 49% үрдээтэ (сыаната 900 солк.).
Кыра үрдээһини биология (10%, 1 000 солк.) уонна физика (9%, 800-1 000 солк.) көрдөрдүлэр.
ССЭ бэлэмнэнэр бөлөх дьарык толору кууруһа (нэдиэлэҕэ икки төгүл, каникулу учуоттаабакка) төрөппүттэргэ ортотунан 55-тэн 68 тыһыынча солкуобайга тиийиэҕэ.
