Үс сылга Уһук Илиҥҥэ элбэх оҕолоох ыал ахсаана 24 тыһыынчанан эбилиннэ. Росстат дааннайынан, уокурук дойдуга саамай элбэх оҕолоох дьиэ кэргэннээхтэртэн биирдэстэрэ буолар.
Ол туһунан Благовещенскайга «Демографическое развитие Дальнего Востока и Арктики»VIII Россиятааҕы кэмпириэнсийэҕэ эттилэр.
Илини сайыннарыыга министиэристибэ социальнай сайдыыга Департаменын дириэктэрэ Григорий Смоляк эппитинэн, 2022 сыл бүтүүтэ Уһук Илин регионнарыгар барыта 156 817 дьиэ кэргэн үс уонна онтон элбэх оҕолооҕо бэлиэтэммит, бу 2019 сыллааҕы көрдөрүүнү кытта тэҥнээтэххэ 23 954 ыалынан элбэх.
Россия бырабыыталыстыбата оҕолоох дьиэ кэргэттэри өйүүр миэрэлэри ылар. 2022 сылга Уһук Илиҥҥэ саҥа стратегическай көҕүлээһин оҥоһуллубута. Ол курдук 2023 сыл тохсунньу 1 күнүттэн ыалга төрөөбүт үһүс оҕоҕо ипотекаларын сабыыга көмө оҥоһуллар.
Пилотнай регионунан Приморскай кыраай буолбута, кинилэргэ 450 тыһ солк оннугар 1 мөл солк диэри үбүлээһин улааппыта. Бу миэрэни атын регионнарга эмиэ тарҕатар туһунан этии кэмпириэнсийэ кэмигэр киирдэ.
