Уһук Илиҥҥэ 107 саҥа үлэ предприятиета аһыллыбытын туһунан РФ Уһук Илини сайыннарыыга миниистирэ Александр Галушка иһитиннэрдэ. Инвестиция уопсай кээмэйэ 122 млрд солкуобайга тэҥнэһэр.
Бу 2018 сыл бүтүүтэ саҥа тэрилтэлэр ахсааннара 200-кэ тиийиэҕэ, 15 тыһыынча үлэ саҥа миэстэтэ тэриллиэҕэ.
Былырыын Уһук Илиҥҥэ 89 предприятие үлэтин саҕалаабыта. Саха сиригэр Инаглинскайдааҕы ГОК бастакы уочаратын туттарбыттара, Камчаткаҕа аквапарка уонна сүөһү иитэр комплекс үлэҕэ киирбиттэрэ.
Аныгы теплицалар Сахалиҥҥа, Хабаровскай кыраайга, Саха сиригэр баар буоллулар.
Уһук Илиҥҥэ тутуу кээмэйэ 9,2 % улаатта.
СИА.