19 От ыйа 19.07
  • 21°
  • $ 87,88
  • 96,1

Уһуйаан оҕолоро сэрии бэтэрээнин кытта көрүстүлэр

18:08, 09 мая 2018
Текст:
Читайте нас на
Яндекс Новости
ЯДВ

Уус Алдан улууһугар Аҕа дойду Улуу сэриитин этинэн-хаанынан билбит үс бэтэрээннээхпититтэн биирдэстэрэ II Лөгөй нэһилиэгэр элбэх оҕо тапталлаах эһээтэ Василий Ананьевич Васильев олорор.

Бэҕэһээ, ыам ыйын 8 күнүгэр, “Татыйык” уһуйааҥҥа ытыктыыр киһибитин кытта »Өйдүүбүт, саныыбыт, киэн туттабыт» диэн Кыайыы 73 сылыгар аналлаах көрсүһүү буолла.


Оҕолорго анаан сэрии ыар кэмнэрин бэрт тиийимтиэтик »Кыайыы күнэ — өрөгөй күнэ» диэн медиа-презентациянан В.А.Васильева көрдөрдө. Василий Ананьевич уот сэрии кэмнэрин, ханна сылдьан сэриилэспитин, ол саҕанааҕы олоҕу сиһилии кэпсээтэ. Оҕолор хардатын бэтэрээҥҥэ ырыаларын, бэйэлэрэ оҥорбут аккырыыккаларын бэлэхтээтилэр.
Ону тэҥэ, »Георгиевская ленточка» диэн 2005 сыл муус устар 24 күнүттэн ыам ыйын 12 күнүгэр диэри ыытыллар аахсыйаҕа кыттыһан, үөрүүлээх быһыыга-майгыга бөлөхтөрүнэн оҕолорго туттарылынна. Түмүккэ, Василий Ананьевич оҕолорго доруобуйаны, дьоллоох оҕо сааһы баҕаран алҕаата.

edersaas.ru саайтка анаан Татьяна ВАСИЛЬЕВА.

Следите за самым важным и интересным в Telegram-канале и WhatsApp-группе ЯСИА