24 От ыйа 24.07
  • 25°
  • $ 87,3
  • 95,46

Тыымпынайга уонна Сиинэ өрүс кытылыгар тыа бизоннарын иккис бөлөҕүн ыытыахтара

09:19, 18 апреля 2018
Текст:
Читайте нас на
Яндекс Новости
ЯДВ

Бу ыйга Тыымпынай өрүс хочотугар уонна Сиинэ өрүс кытылыгар, тыа бизоннарын иккис бөлөҕүн ыытыахтара диэн Саха Өрөспүүбүлүкэтин тыатын хаһаайыстыбатын миниистирэ Сахамин Афанасьев брифинигэр биллэрдэ.  


2009 сыллаахха, Тыымпынай өрүс кытылыгар «Тыымпынай» диэн тыа бизоннарын тутар сир арыллыбыта. Бу сир бизоннары аһатарга табыгастааҕынан сибээстээн оҥоһуллубута. Тыымпынай, Сиинэ уонна Кэйбээлэ өрүстэр хочолоругар от өлгөмнүк үүнэр. Бизоннар олохсуйалларыгар, төрүүллэригэр-ууһуулларыгар олус табыгастаах сир.

Ааспыт сыл сэтинньитигэр ыытыллыбыт бизоннар «Тыымпынай» аһыыр сирдэриттэн улаханнык ырааппатахтар уонна этэҥҥэ кыһыны туораабыттар. Кинилэри спутнигынан кэтииллэр. «26 улахан уонна 4 оҕо тыа бизоннарын бу ыйга Тыымпынай уонна Сиинэ өрүс кытылыгар ыытыахпыт. Итилэртэн 11-рэ атыыр, 19-һа тыһы», — диэн Сахамин Афанасьев бэлиэтиир.

Саха Өрөспүүбүлүкэтин тыатын хаһаайыстыбатын министиэристибэтэ бэлиэтииринэн, Саха сиригэр 189 төбө бизон баар. Кинилэр «Сиинэ», «Живые алмазы Якутии» айылҕа пааркаларыгар, «Тыымпынай», «Уус Буотама» бизоннары иитэр сирдэргэ уонна «Орто Дойду» зоопаркаҕа бааллар.

Николай Попов, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА