29 Тохсунньу 29.01
  • -48°
  • $ 73,82
  • 83,32

Тырааныспар министиэристибэтэ: Булуҥ оройуонун Намыы сэлиэнньэтэ быстан-ойдон хаалбата

18:45, 05 марта 2018
Текст:

Биир интернет-таһаарыыга Булуҥ улууһугар Намыы олохтоохторо тырааныспарынан сырыы суох буолан сэлиэнньэлэриттэн айанныыр кыахтара суоҕун туһунан суруллубута. Манан сибээстээн, СИА СӨ тырааныспарка уонна суол хаһаайыстыбатыттан хоруйу көрдөөбүтэ.


“Дьон олохтон туора туран хаалбата. Нэһилиэнньэлээх пууну муниципальнай суолталаах кыһыҥҥы суолунан Найбаҕа диэри 168 км. сибээстиир, итинтэн уопсайа 112 км. усталаах регионнааҕы кыһыҥҥы суол оройуон киинигэр – Тиксиигэ диэри тиэрдэр«, — диэтилэр туһааннаах министиэристибэ пресс-сулууспатыгар.

Быйыл өрөспүүбүлүкэ бүддьүөтүгэр Намыы олохтоохторун көтүүтүгэр 1,85 мөл солк. көрүллүбүтэ.

Билиҥҥи туругунан массыына суолун көрүүнү-истиини “Восход” ХЭТ ыытар. Тэрилтэ салайааччыта Михаил Шаруненко этэринэн, коммерческай таһаҕаһы, оттугу тиэрдэллэр.

Тиксии диэкиттэн тиэйэр үлэ тохтообот. «Ыарахан уйуктаах тыраахтар мэлдьи дьуһуурустубалыыр”, — диэтэ кини.

0
0
29 января 29.01
  • -48°
  • $ 73,82
  • 83,32