Саха Өрөспүүбүлүкэтин үөрэххэ миниистирэ Ирина Любимова бирикээһинэн, тымныынан сибээстээн 1 — 11 кылаас оҕолоро тохсунньу 16 — 18 күннэригэр дьиэлэригэр олорон үөрэнэр буоллулар. Ол туһунан СИА суруйда.
Саха сиригэр бу нэдиэлэ устата таһырдьа намыһах температура бэлиэтэнэр. Барыллаан -53.. -58 — -60..- 65 кыраадыс.
Этиилэр муниципальнай тэриллиилэр баһылыктарыгар ыытылыннылар. Бирикээс үөрэх министиэристибэтигэр баар тэрилтэлэрин, ол иһигэр лицей-интернаттарын, Арктика оскуолатын, анал коррекционнай оскуоланы, 42 профессиональнай үөрэх тэрилтэтин хабар.
Үөрэх тэрилтэлэригэр дьуһуурустубалар тэриллэллэр. УГМС биллэрэринэн, чэппиэртэн сылыйыахтаах.
