Саха сирин үрдүнэн нэдиэлэттэн ордук кэмҥэ тымныы күннэр турдулар. Саха сиринээҕи гидрометеокиин иһитиннэрбитинэн, бүгүн, тохсунньу 23 күнүгэр, Халыма улуустарын эргин халлаан туруга -28 кыраадыс. Ол аата сылыйбыт.
Саха сирин илин эҥээригэр уонна хотугулуу-илин кэккэ сирдэринэн -55 кыраадыска тиийдэ. Абый, Аллайыаха, Үөһээ Халыма, Муома, Аллараа Халыма уонна Орто Халыма улуустарыгар бу нэдиэлэ саҥатыттан кыратык хаардыаҕа. Ону тэҥэ, бүгүн соҕуруу уонна соҕуруулуу-арҕаа эргин эмиэ хаардыыра күүтүллэр.
Киин улуустарга ааспыт түүн -44… -49 кыраадыс тымныйда. Илин эҥээр улуустарга, хотугулуу-илин -50… -55 кыраадыс буолбут. Халыма уонна муора кытылынан -32… -37, соҕуруу, соҕуруулуу-арҕаа эргин -39… -44 кыраадыс тымныйбыт.
Бүгүн күнүһүн киин улуустарга -40… -45 кыраадыс, илин эргин -44… -49 кыраадыс, Халыма уонна кытыл эргин -28… -33 кыраадыс, соҕуруу уонна арҕаа эргин -35… -40 кыраадыс тымныы буолар.
Дьокуускай куоракка түүнүн -47… -50 кыраадыс. Күнүһүн -45… -47 кыраадыс.
Саха сиринээҕи гидрометеокиин эрдэтээҥи иһитиннэриитинэн, киин уонна соҕуруулуу-илин улуустарга тымныы күн-дьыл тохсунньу 27 күнүгэр диэри турар.
