Ынах тыла, тоҥ быар, хаан, ис, харта – саха аһын сөбүлээччилэр бырааһынньыктааҕы остуолларыгар ууруллар деликатестар. Дьокуускайга олохтоох уонна сибиэһэй бородууксуйаны Бааһынай ырыынагар уонна Кыра баһаарга булуохха сөп. СИА астаах эбийиэктэри кэрийэн көрдө.
Бааһынай ырыынага ордук баай. Күҥҥэ санаабыт барыта баар, уулуссаҕа өссө түһэрсиэххэ сөп. Ынах тылын 1 киилэни 800-850 солк ылыахха сөп. Убаһа хаанын — 1500 — 2000 солк, ынах хаанын – 500 — 600. Ис — 400 солк, харта – 800 солк. Киилэ ынах быара 400 — 500 солк. Ынах туйаҕа — 300 солк киилэтэ.
Бааһынай ырыынагын дьиэтин иһигэр сыана араастаһыыта суоҕун кэриэтэ. Бородууксуйа сибиэһэйдии тоҥмут эбэтэр сибиэһэй. Олохтоох бородууксуйаны таһынан кэлии баар. Холобур Алтайтан аҕалыллыбыт ынах тыла.
Олохтоох ынах тыла 700 — 850 солк киилэтэ. Убаһа тыла баар — 800 солк киилэтэ. Хаан 600 солк киилэтэ. Биир киилэ хартаны 1000 солк ылыахха сөп.
Кыра баһаарга атыы таһырдьа баар. Убаһа хаана 1500 солк, ынах – 600 солк, харта – 800 солк, убаһа быара – 3000 солк.
