15 От ыйа 15.07
  • 22°
  • $ 87,74
  • 95,76

Тыа сирин тупсарыыга өссө 450 мөл.солк. бэриллэр

10:51, 15 сентября 2016
Читайте нас на
Яндекс Новости
ЯДВ

Инники икки сылга муниципалитеттары тупсарыыга үп-харчы бэриллиэҕэ. Ити туһунан СИА-ҕа бастакы вице-премьер э.т — баһылык уонна бырабыыталыстыба салайааччыта Юрий Куприянов эттэ.


«Уопсастыба санаатын истэн, үөрэтэн баран улуустары тупсарыы сыла биллэриллибитэ. Аан дойдуга кириисис тыҥаан турар кэмигэр Егор Афанасьевич хорсун быһаарыны ылыммыта. Бииргэ сомоҕолоһон итинник көҕүлээһини оҥорбуппут», — диир Юрий Куприянов.

Быйыл Ил Дархан тустаах уурааҕынан тупсарыыга анаан 450 мөл.солк. көрүллүбүт. «Куонкурус түмүгүнэн 100 улуус 4,5 мөл.солк. суумалаах граннары ылбыттара. Өрөспүүбүлүкэ хайа да муннугар тиий, дьон бу көҕүлээһини биһириир эрэ. Холобур, Ньурба Дьаарханыгар оҕо биэс былаһааккатын туттулар, суоллары өрөмүөннүүллэр. Ити түмүгэр нэһилиэк биллэ тубуста».

Куприянов этэринэн, муниципалитеттары гранынан өйөөһүн эһиил салгыы ыытыллар: «2017-2018 сылларга хас биирдиитэ 4,5 мөл.солк. суумалаах уопсайа 100 граны биэриэхпит. 3 сыллаах бырагыраама Саха сирин олохтоохторун туһатыгар үлэлиэ. Ону таһынан кэтэх дьиэни туттууга үбү-харчыны көрүөхпүт. Ити эдэр исписэлиистэр тыа сиригэр үлэлии баралларыгар олугу ууруо», — диир кини.

Следите за самым важным и интересным в Telegram-канале и WhatsApp-группе ЯСИА