Тыа сирин тупсарыы өрөспүүбүлүкэтээҕи күрэскэ Чурапчы улууһун алта бырайыага кыайда. Өрөспүүбүлүкэ үрдүнэн 182 үлэ киирбититтэн 28 бырайыак талыллан, бу сылга үбүлэнэр буолбут.
Улуус баһылыгын экономикаҕа солбуйааччы Алексей Егоров Арыылаах, Хоптоҕо, Төлөй, Чакыр, Мындаҕаайы, Хайахсыт, Болугур нэһилиэктэригэр араас хабааннах үлэлэр былааннаналларын этэр. Ол иһигэр Мындаҕаайыга Социалистическай Үлэ Дьоруойа Роман Иннокентьевич Константинов төрөөбүтэ 125 сылыгар анаммыт сквер уонна Хайахсыкка «Албан аат» скверин оҕо былаһааккалаан тупсаран тутуу кииртэр.
Күрэс тыа хаһаайыстыбатын министиэристибэтин иһинэн тыа сирин 2020-2025 с.с. биир кэлим сайыннарыы өрөспүүбүлүкэтээҕи бырагырааматын чэрчитинэн ыытыллар.
This post was published on 28.01.2021 15:01 15:01