Үөрүүлээх чааска улуус баһылыга Степан Саргыдаев, улуус дьокутааттарын Сэбиэтин бэрэссэдээтэлэ Яков Оконешников, тыа хаһаайыстыбатын салалтатын начаалынньыга Анжелика Неустроева эҕэрдэ тылларын эттилэр, наҕараадалары туттардылар.
“Саха сирин үтүөлээх фермерэ” аатынан Соловьевтан Виктор Петров, Ил Түмэн бастайааннай кэмитиэтин бочуотунай грамотатынан Одьулуунтан зоотехник Александр Тимофеев, Махталынан Мугудайтан комбинат сэбиэдиссэйэ Никита Рязанскай, Сылаҥтан Валентин Дьячковскай, “Оройуонун иннигэр үтүөлэрин иһин” 2-с степеннээх бэлиэнэн Алаҕартан Николай Лыткин, “Оройуонун иннигэр үтүөлэрин иһин” 3-с степеннээх бэлиэнэн Одьулуунтан ыанньыксыт Марфа Сибирякова, “Чурапчы улууһун бочуоттаах бэтэрээнэ” аатынан Төлөйтөн Владимир Захаров, Алаҕартан Афанасий Гоголев, о.д.а. наҕараадаланнылар.
Чурапчы улууһун баһылыгын Гранын 2 мөлүйүөннээх сертификатын “Мындаҕаайы” ТХПК, 1-дии мөлүйүөннээх сертификаттарын Михаил Михайлов, Илья Дьячковскай уонна Виктор Петров ыллылар.
Маны таһынан бириистээх анал ааттар туттарылыннылар. “Өлгөм үүттээх хаһаайыстыбанан” “Мындаҕаайы” ТХПК, “Бастыҥ ыанньыксытынан” Александр Макаров, “Бастыҥ бостуугунан” Алексей Сергеев, “Бастыҥ ньирэй көрөөччүнэн” Дмитрий Дыдаев, “Бастыҥ сайылыгынан” Николай Лыткин ааттаннылар.
Үөрүүлээх чаас оһуохайынан, эҕэрдэ кэнсиэринэн түмүктэннэ, суруйда Елена Макаринская, Саҥа олох хаһыат.
This post was published on 23.05.2024 10:01 10:01