Дьокуускайдааҕы тыа хаһаайыстыбатын техникумун баазатыгар бастакы үөрэтэр-үлэлэтэр киин «Профессионалитет» федеральнайдааҕы бырайыак чэрчитинэн арылынна.
Кластер тыа хаһаайыстыбатын эйггэтигэр үлэлиэхтээх үрдүк квалификациялаах исписэлиистэри уһуйан таһаарыыга наадалаах оборудованиенан, компьютернай техниканан уонна бырагырааманан хааччылынна, суруйар СИА. Бырабыыталыстыба бэрэссэдээтэлэ Андрей Тарасенко бэлиэтээбитинэн, бэйэлэрин дьыалаларыгар дэгиттэр профессионаллары үөрэтиигэ барыта баар.
«Бастакы үөрэх-үлэ киинэ устудьуоннар үөрэниилэрин хаачыстыбатын тупсарыаҕа уонна тыа хаһаайыстыбатын эйгэтигэр оробуочай идэлэргэ престиж олохтуоҕа. Агропромышленнай комплекс тэрилтэлэрэ кыттыыны ылыахтара. Бу миэрэлэр орто профессиональнай үөрэхтээһини саҥа таһымҥа таһаарыахтара, выпускниктар үлэҕэ киириилэрин мэктиэлиэхтэрэ», — диэтэ регион премьера.
Саҥа кластерга үлэлииргэ 70 сотрудник эбии үөрэҕи ааста.
Өссө биир маннык киин 2023 сылга «Горнодобывающая отрасль» хайысханан Нерюнгритааҕы технологическай колледжка арыллыаҕа.
This post was published on 06.02.2023 15:28 15:28