15 От ыйа 15.07
  • 17°
  • $ 87,74
  • 95,76

Тыа хаһаайыстыбатын эдэр исписэлиистэригэр төлөбүргэ уопсайа 34 мөл солк ыытыахтара

Читайте нас на
Яндекс Новости
ЯДВ

34,6 мөл солк 2022 сылга тыа хаһаайыстыбатын салаатыгар үлэлиир эдэр исписэлиистэргэ биир кэмнээх төлөбүргэ анаан тыырыахтара. 2021 сыл тохсунньу 1 күнүттэн төлөбүр суумата балтараа төгүл эбиллибитэ. Ол туһунан туһааннаах хайысха миниистирин бастыкы солбуйааччыта Петр Попов парламент мунньаҕар эттэ, суруйар СИА. 

«2012 — 2019 сылларга төлөбүр суумата уларыйбатаҕа. 2021 сыл тохсунньу 1 күнүттэн, сыана үрдээһинигэр тэҥнээн, балтараа төгүл эбилиннэ. Онон суума 6-15 тыһыынча солкуобайтан 9-22 тыһыынча солкуобайга диэри улаатта, эдэр исписэлиис үөрэҕиттэн, хотугу уонна Арктика улуустарыгар үлэлиириттэн көрөн», — диэтэ Петр Попов.

Кини бэлиэтээбитинэн, төлөбүр уларыйыытынан, бырагыраама кыттыылаахтарыгар ирдэбил эмиэ улаатта. Чуолаан, үлэ биэрээччи тыа хаһаайыстыбатынан дьарыктанааччылар реестрдарыгар учуокка баар, тыа хаһаайыстыбатыгар үлэлиир анал идэлээх буолуохтаах.

2012-2021 сылларга 1572 сөбүлэҥ суруйсуллубут, онтон 193-һэ уһатыллыбыт. Бу сыалга регион бюджетыттан 345 мөл солк ыытыллыбыт. Ааспыт сылга 386 эдэр исписэлиискэ уопсайа 31,8 мөл солк көрүллүбүт.

Следите за самым важным и интересным в Telegram-канале и WhatsApp-группе ЯСИА