5 Бэс ыйа 05.06
  • 14°
  • $ 80,88
  • 87,1

Тыа хаһаайыстыбата, нэһилиэнньэни өйөөһүн: 2023 сылга Саха сирин бюджета

14:34, 01 декабря 2022
Текст:
Читайте нас на
Яндекс Новости
ЯДВ

Тыа хаһаайыстыбатын, социальнай хайысханы, байыаннайдар дьиэ кэргэттэрин өйөөһүн уонна инвестиционнай бырайыактары үбүлээһин — бу барыта Саха сирин 2023 сыл бюджетыгар көрүллэр. Сүрүн көрдөрүүлэр тустарынан Ил Дархан Айсен Николаев «Саха» НКИХ уонна «Якутия 24» телеханаалларга быһа эфиргэ кэпсээтэ, суруйар СИА.

Ил Дархан бэлиэтээбитинэн, Ил Түмэнинэн ылыллыбыт өрөспүүбүлүкэ бюджета Саха сирин бүтэһик сылларга ыыппыт бэлиитикэтин көрдөрөр. Үп сүрүн докумуона социальнай хайысханы бигэргэттэ. «Социальнай ыстатыйалар оннунан хааллылар, эбии саҥа хайысхалар киирдилэр, ол иһигэр байыаннайдар дьиэ кэргэттэрин өйүүргэ. Маннык бэлиитикэни салгыы тутуохпут», — диэтэ баһылык.

Бюджекка тыа хаһаайыстыбатыгар анаммыт үп эбилиннэ — 12 млрд-тан 14 млрд солк тириэрдилиннэ. «Тэрээһиннээх хаһаайыстыбаларга үүт сыаната лиитэрэҕэ — 60 солк буолуоҕа, биэҕэ субсидия үс тыһ солк — биэс тыһ солк тириэрдилиннэ. Таба төбөтүгэр субсидия эмиэ эбилиннэ. Кэтэх хаһаайыстыбалаахтарга 35 тыһ солк оннугар 37 тыһ солк буолла. Бу биһиэхэ сүрүн приоритет, саха тыатын сирин сайдыыта буолар — бу бэлиитикэ салгыы ыытыллыаҕа», — диэтэ Николаев.

Бюджет инвестиционнай бырагырааманы эмиэ ылынар, манна сүрүн тутуулар: онкологическай киинтэн саҕалаан,«Кысыл-Сыр — 84 км»  магистральнай гаас ситимэ, кыра нэһилиэктэргэ социальнай эбийиэктэр тиийэ көрүлүннүлэр.

Следите за самым важным и интересным в Telegram-канале и WhatsApp-группе ЯСИА